ЗОН ОЛНЫ НАМЫН ДАРГЫН ЭРХ ҮҮРГИЙГ ЕНБД Э.ОДБАЯРТ ШИЛЖҮҮЛЭН ӨГЛӨӨ

ЗОН ОЛНЫ НАМЫН ДАРГА Г.ЭРДЭНЭТӨГС НАМЫН ТАМГА, НАМЫН ДАРГЫН ЭРХ ҮҮРГЭЭ ЕРӨНХИЙ НАРИЙН БИЧГИЙН ДАРГА Э.ОДБАЯРТ ШИЛЖҮҮЛЭН ӨГЛӨӨ.

Зон Олны нам 2016 онд байгуулагдсанаас хойш анх удаа 2020 оны УИХ-ын ээлжит сонгуульд бүх тойрогт нэр дэвшүүлэн өрсөлдсөн. Гэвч УИХ-ын ээлжит сонгуульд ахисан түвшний амжилт үзүүлж чадаагүйтэй холбогдуулан Зон Олны намын дарга Г.Эрдэнэтөгс намын дүрмийн 36.3 дахь хэсгийг үндэслэн намын даргын албан тушаалаас огцрох хүсэлтээ гаргажээ /2020.07.04/. Иймээс намын дүрмийн 37.3 дахь хэсэгт заасны дагуу Зон Олны намын Ерөнхий нарийн бичгийн дарга нь ”ЗОН-ын даргын эзгүйд болон түүнийг албан үүргээ гүйцэтгэх боломжгүй тохиолдолд бүрэн эрхийг нь хэрэгжүүлэх“ юм.

ЗОН ОЛНЫ НАМЫН 4 ЖИЛИЙН ОЙ 2020.12.06-НЫ ӨДӨР ТОХИОЖ БАЙНА. ЗОН ОЛНЫ НАМЫН БАГА ХУРАЛ ТУС ӨДӨР ХУРАЛДАНА. 

Мөн 2020 оны 12 сарын 06-ны өдөр Зон Олны намын Бага хурлын тов зарлагдаж, дараах асуудлыг хэлэлцэн шийдвэрлэхээр болжээ.

• Зон Олны намын удирдлагыг /Дарга, ЕНБД/ шинээр сонгох сонгууль
• Зон Олны намын дүрэмд нэмэлт өөрчлөлт оруулах тухай /5.0/
• Зон Олны намын Бага хурал, удирдах бүрэлдэхүүнд нэмэлт өөрчлөлт оруулах тухай
• Зон Олны намын дотоод зохион байгуулалт, үндсэн үйл ажиллагааны тухай зэрэг асуудлыг хэлэлцэн шийдвэрлэнэ.